Canllaw i forgeisi gyda nodweddion arbennig

Gyda morgais arian yn ôl, rydych yn cael rhywfaint o arian wrth gymryd eich morgais.

Gallai’r swm arian yn ôl fod yn gyfran o’r swm yr ydych chi’n ei fenthyg (er enghraifft 1%) neu fe allai fod yn swm penodol (er enghraifft £500).

Byddwch yn derbyn yr arian yn ôl ar ôl cwblhau, ac nid cyn hynny.

Gyda morgais gwrthbwyso, mae’ch cynilion wedi’u cysylltu â’ch morgais.

Mae hyn yn golygu bod eich cynilion yn mynd tuag at ostwng eich morgais, felly fyddwch chi ond yn talu llog ar y swm morgais, llai’r swm yr ydych chi wedi’i gynilo.

Mae’n ddewis da ar gyfer pobl gyda chynilion a balans banc rhesymol bob mis.

Gall morgeisi gwrthbwyso fod ar gyfraddau sefydlog neu amrywiol.

Mae gennych forgais gwrthbwyso o £200,000 ar 3% o log. Mae gennych £10,000 o gynilion hefyd mewn cyfrif gwrthbwyso.

Mae’r £10,000 yn cael ei dynnu o’r £200,000, felly dim ond ar y balans o £190,000 y byddwch chi’n talu llog.

Felly yn hytrach nag ennill llog ar wahân ar y £10,000 fel cynilion, byddwch chi yn lle hynny yn osgoi talu 3% o log ar y £10,000 o’ch dyled.

Edrychwch faint o arian y gallech chi ei arbed trwy wrthosodYn agor mewn ffenestr newydd gan ddefnyddio’r cyfrifiannell ar y wefan 'This Is Money'.

Mae morgeisi cyfrif cyfredol yn fath o forgais gwrthbwyso.

Yr unig wahaniaeth yw bod eich cyfrif cyfredol a morgais yn cael eu cyfuno yn un.

Felly os oes gennych chi forgais o £150,000 a £1,500 yn eich cyfrif cyfredol, bydd eich datganiad banc yn dangos bod arnoch chi £148,500 i’ch benthyciwr.

Mae morgeisi cyfrif cyfredol yn debyg i forgeisi gwrthbwyso.

Y gwahaniaeth yw bod eich cyfrif cyfredol, yn hytrach na’ch cynilion, a’r morgais yn cael eu cyfuno yn un.

Er enghraifft, os oes gennych forgais cyfrif cyfredol o £150,000 a £1,500 yn eich cyfrif cyfredol, bydd eich datganiad yn dangos eich bod mewn dyled o £148,500 i’ch darparwr benthyciadau.

Er enghraifft, dychmygwch fod eich cyflog mynd adref yn £3,000 y mis a bod gennych forgais o £148,000.

Tra bod eich £3,000 yn y cyfrif, dim ond ar £145,000 y byddwch chi’n gorfod talu llog.

Wrth i chi fynd trwy’r mis yn gwario peth o’ch cyflog, bydd eich balans morgais yn codi’n raddol a bydd y taliadau llog dyddiol yn cynyddu.

Pan fyddwch chi’n derbyn eich pecyn cyflog nesaf i’ch cyfrif banc, bydd eich balans morgais unwaith eto yn gostwng ychydig a bydd y llog sy’n cael ei godi yn gostwng.

Felly gyda morgais cyfrif cyfredol, bydd y llog a godir yn cynyddu a lleihau wrth i’r swm yn eich cyfrif cyfredol gynyddu a lleihau.

Os oes gennych forgais ad-dalu byddwch chi’n talu mwy o gyfalaf pa bryd bynnag y bydd eich cyfrif cyfredol mewn credyd.

Mae rhai morgeisi confensiynol yn cynnig nodweddion hyblyg, a restrir isod

Mae llawer o forgeisi yn caniatáu i chi dalu mwy na’ch taliad misol arferol fel y gallwch leihau eich dyled yn gyflymach.

Gwiriwch a oes cyfyngiad ar faint y gallwch ordalu bob blwyddyn – fel arfer mae’n 10% o’r morgais.

Gall ad-dalu’ch morgais cyn diwedd ei gyfnod ymddangos yn syniad gwych, ond dylech fod yn ymwybodol y gallech wynebu ffi am ad-dalu’n gynnar, felly cofiwch wirio amodau’ch cytundeb morgais.

Gyda rhai morgeisi – ac yn dibynnu ar eich amgylchiadau ariannol – efallai y bydd modd ichi gael seibiant rhag talu eich morgais.

Mae hyn yn golygu nad oes yn rhaid i chi wneud unrhyw daliadau am gyfnod cyfyngedig. Nid oes gan bob morgais yr opsiwn hwn.

Os ydych wedi gordalu yn y gorffennol, efallai y bydd benthyciwr yn ystyried caniatáu i chi dalu llai na'ch ad-daliad misol arferol. Er enghraifft, os byddwch yn profi newid yn eich amgylchiadau ariannol ac yn cael trafferth cwrdd â'ch ymrwymiadau morgais.

Gall hyn fod yn ddefnyddiol pan fydd arian yn dynn, ond mae'n cynyddu eich dyled wrth i'r gwahaniaeth gael ei ychwanegu at eich morgais.

Bydd yn cymryd mwy o amser i chi dalu eich morgais i ffwrdd a byddwch yn talu mwy o log dros gyfnod y benthyciad.

Mae gwefannau cymharu yn lle da i gychwyn ar gyfer unrhyw un sy’n ceisio dod o hyd i forgais addas.

Mae gwefannau poblogaidd er mwyn cymharu morgeisi yn cynnwys:

• MoneyfactsYn agor mewn ffenestr newydd
• Money Saving ExpertYn agor mewn ffenestr newydd
• MoneySuperMarketYn agor mewn ffenestr newydd
• Which?Yn agor mewn ffenestr newydd

Cofiwch:

• Ni fydd gwefannau cymharu i gyd yn rhoi'r un canlyniadau i chi, felly gwnewch yn siŵr eich bod yn defnyddio mwy nag un gwefan cyn gwneud penderfyniad.
• Mae hefyd yn bwysig gwneud rhywfaint o ymchwil i'r math o gynnyrch a nodweddion sydd eu hangen arnoch cyn prynu neu newid cyflenwr.