Wedi'i ddiweddaru diwethaf:
07 Ionawr 2024
Pan fydd y tymheredd yn gostwng, gall eich biliau godi’n uchel iawn. Mae Taliadau Tywydd Oer yn un o’r ffyrdd y gallwch gael ychydig o arian yn ôl i wrthbwyso’r gost ychwanegol a ddaw yn sgil gaeaf oer.
Os ydych yn gymwys iddynt, gallwch ddefnyddio'r taliadau hyn i’ch helpu i fforddio cynhesu’ch cartref neu brynu dillad cynnes neu ddillad gwely ychwanegol. Os yw’r tymheredd yn eich ardal yn gostwng o dan 0°C am saith diwrnod neu fwy yn olynol rhwng y 1af o Dachwedd a 31ain o Fawrth, gallech fod â hawl i daliad o £25 am bob wythnos o dywydd oer iawn. Dim ond pobl ar rai budd-daliadau sy’n gallu hawlio, ac nid yw Taliadau Tywydd Oer yn effeithio ar eich budd-daliadau eraill.
Dylai pobl sydd eisoes yn derbyn mathau penodol o fudd-daliadau gael eu cofrestru’n awtomatig i gael Taliadau Tywydd Oer. Bydd £25 ar gyfer pob wythnos o dywydd is na’r rhewbwynt yn cael ei dalu i’r un cyfrif banc â’ch budd-daliadau eraill.
Os ydych eisoes yn cael Credyd Cynhwysol, Cymhorthdal Incwm, Lwfans Ceisio Gwaith yn seiliedig ar incwm neu Lwfans Cyflogaeth a Chymorth sy’n gysylltiedig ag incwm, ac mae gennych un ai fabi neu blentyn o dan 5 oed yn dod i fyw gyda chi, yna dylech ddweud wrth y Ganolfan Byd Gwaith. Efallai eich bod nawr yn gymwys i gael Taliadau Tywydd Oer pan na fyddech wedi bod cyn i’ch sefyllfa fyw newid.
Y cyfan sydd angen i chi ei wneud i weld faint o gyfnodau saith diwrnod o dywydd oer iawn sydd wedi digwydd yn eich ardal leol yw rhoi hanner cyntaf eich cod post i mewn i wiriwr Taliadau Tywydd OerYn agor mewn ffenestr newydd yr Adran Gwaith a Phensiynau neu ddefnyddio gwiriwr NI DirectYn agor mewn ffenestr newydd os ydych yn byw yng Ngogledd Iwerddon.
Mae Taliadau Tywydd Oer ar gael yng Nghymru, Lloegr a Gogledd Iwerddon yn unig. Efallai y byddwch yn cael Taliad Gwresogi GaeafYn agor mewn ffenestr newydd blynyddol yn lle hynny os ydych chi’n byw yn yr Alban. Byddwch yn cael y taliad hwn beth bynnag yw’r tywydd yn eich ardal chi.
Dylech dderbyn eich Taliad Tywydd Oer yn awtomatig o fewn 14 diwrnod i’r cyfnod o dywydd oer. Os nad ydych yn cael taliad pan fyddwch yn disgwyl, cysylltwch â Chanolfan Byd Gwaith neu eich canolfan bensiwn.
Efallai eich bod yn gymwys i Daliadau Tywydd Oer os ydych yn derbyn:
Fodd bynnag, nid yw bod ar unrhyw un o’r budd-daliadau uchod yn gwarantu y byddwch yn gymwys ar gyfer Taliadau Tywydd Oer.
Os byddwch yn cael Credyd Cynhwysol ac nad ydych yn gyflogedig neu’n hunangyflogedig, byddwch fel arfer yn derbyn Taliadau Tywydd Oer os yw un o’r canlynol hefyd yn berthnasol:
Nid yw Taliad Annibyniaeth Personol yn un o’r budd-daliadau a allai eich gwneud yn gymwys i Daliadau Tywydd Oer. Mae’r math yma o daliad ond ar gael i bobl sydd ar fudd-daliadau sy’n gysylltiedig ag incwm.
Fel arfer bydd derbynnydd Lwfans Cyflogaeth a Chymorth sy’n gysylltiedig ag incwm (ESA) yn gallu cael Taliadau Tywydd Oer os ydynt mewn grŵp gweithgaredd neu grŵp cymorth sy’n gysylltiedig â gwaith. Os ydych yn cael ESA sy’n gysylltiedig ag incwm ac nad ydych yn y naill grŵp neu’r llall fe allech gael Taliadau Tywydd Oer o hyd os oes gennych:
Gallai gofalwyr neu’r unigolyn y maen nhw'n gofalu amdanynt fod yn gymwys am Daliadau Tywydd Oer os ydyn nhw’n cael budd-daliadau penodol. Os oes gennych unrhyw amheuaeth, gwiriwch gyda’r Ganolfan Byd Gwaith neu’ch canolfan bensiwn i weld a ydych yn gymwys.
Hyd yn oed os nad ydych yn gymwys ar gyfer Taliadau Tywydd Oer, mae ffyrdd eraill y gallech gael rhywfaint o ryddhad ar filiau gaeaf uchel.
Gall rhai grwpiau hawlio arbediad o £150 oddi ar eu bil ynni rhwng mis Medi a mis Mawrth drwy’r Cynllun Gotyngiad Cartrefi Cynnes.
Gallech fod yn gymwys os byddwch yn cael yr elfen Credyd Gwarant o Gredyd Pensiwn, neu os ydynt ar incwm isel a chael budd-daliadau penodol sy’n seiliedig ar brawf modd.
Darllenwch fwy am y Cynllun Gostyngiad Cartrefi Cynnes a sut y gallwch ei ddefnyddio ar GOV.UKYn agor mewn ffenestr newydd
Os cawsoch eich geni cyn 25 Medi 1957 gallech gael rhwng £250 a £600 y flwyddyn i’w roi tuag at eich biliau ynni gaeaf.
Darganfyddwch os ydych yn gymwys a sut i wneud caisYn agor mewn ffenestr newydd
Mae prisiau ynni yn uchel iawn. O 1 Ionawr 2024 ymlaen, bydd Cap ar Brisiau Ynni Ofgem wedi’i osod ar £1,928 ar gyfer cartref arferol. Bydd hyn yn newid i £1,690 y flwyddyn ar 1 Ebrill 2024.
Bellach mae mwy o fargeinion sefydlog ar gael o dan y cap ar brisiau felly cadwch lygad barcud ar brisiau. Ceisiwch ddefnyddio gwefannau cymharu a byddwch yn barod i newid pan fydd bargeinion gwell ar gael.
